Santiago Rodríguez López

Fillo de emigrantes galegos, naceu en Barcelona en 1971. Licenciado en Bioloxía e doutor en Xenética pola Universidade de Santiago de Compostela, traballa como Profesor Titular na Universidade de Bristol (Inglaterra) desde 2006. En 2018 inicia a súa traxectoria como autor literario, publicando na Biblioteca Virtual de Galicia Dixital catro obras arredor da vida e obra do seu pai, o escritor de Paradela Manuel Rodríguez López: En torno á parábola das cereixas de Xulio Xiz (2018), Poemas Populares Galegos. Edición especial 50 aniversario 1968-2018 (2018), A Paradela de Manuel Rodríguez López (2019), e Exposición Itinerante Manuel Rodríguez López 2013-2020 (2020) (co-autor xunto a Antonio Giz), así como tres relatos: Turbulencias curriculares (2019), Dos parábolas de amor (co-autor xunto a Mary C. Otero Rolle) (2020) e Sintiendo lo que fui (2021). Este é o seu segundo premio literario no Certame Xornalístico «Begonte e o Nadal».