Presentada a XLV edición do Belén de Begonte

11/29/2016

“Esta iniciativa”, explicou Balseiro esta mañá durante a presentación da XLV edición do nacemento, “converte a este belén no máis famoso da nosa provincia, que cada ano é visitado por milleiros de persoas”.

O belén de Begonte conta co recoñecemento de Festa de Interese Turístico de Galicia desde hai dous anos e figura xa entre as citas imprescindibles cada Nadal para moitas familias e visitantes, constituíndo, en consecuencia, “unha fonte de riqueza económica para o municipio”, segundo indicou o delegado. O pregoeiro deste ano será Luis Angel de las Heras, o novo bispo de Mondoñedo.

Dende o vindeiro sábado, 3 de decembro, o centro cultural José Domínguez Guizán de Begonte, abrirá as súas portas para mostrar ao público as pezas e o movemento dun dos nacementos electrónicos máis recoñecidos de Galicia. Ao redor deste evento cultural, medraron tamén outras iniciativas como son os certames de xornalismo, poesía, pintura e debuxo infantil, que xuntan a creadores procedentes de todos os puntos da xeografía galega.

Na presentación do belén participaron tamén Luis Luaña, tenente alcalde de Begonte; Pilar Gómez, viúva do creador; e Xesús Domínguez e Xulio Xiz, presidente e vicepresidente do centro cultural José Domínguez Guizán.

Otras noticias

< >